అమరావతి: వెయ్యి మంది ఏపీ పోలీసులు మహారాష్ట్రలో ఎన్నికల విధులకు వెళ్లారని, వారికి పోస్టల్‌ బ్యాలెట్‌ ఇవ్వాలని ఎన్నికల సంఘాన్ని తెదేపా సీనియర్‌ నేత వర్ల రామయ్య కోరారు. ఈ మేరకు విజ్ఞాపన పత్రాన్ని ఎన్నికల అధికారులకు అందజేశారు. అనంతరం ఆయన మీడియాతో మాట్లాడారు. పింఛన్లు పంపిణీపై ఏపీ సీఎస్‌ జవహర్‌రెడ్డి తీసుకున్న నిర్ణయం దారుణమన్నారు. ‘‘పింఛన్లు బ్యాంక్‌ ఖాతాల్లో వేస్తే లబ్ధిదారులకు తీవ్ర ఇబ్బందులు ఎదురవుతాయి. పింఛన్‌ కోసం సచివాలయానికి వెళ్లలేని వారు.. బ్యాంకులకు ఎలా వెళ్తారు? మరోమారు వృద్ధుల ప్రాణాలు తీయాలని, జగన్‌కు లబ్ధి చేకూర్చాలని సీఎస్‌ చూస్తున్నారు’’అని ఆరోపించారు.