సబ్బుపై శివుడి రూపం 

ఇంటర్నెట్‌ డెస్క్‌ : కార్తిక మాసంలో వచ్చే పౌర్ణమి ఆధ్యాత్మికంగా ఎంతో ప్రాధాన్యత కలిగిన రోజు. కార్తికేయుడు జన్మించిన కృత్తిక నక్షత్రంలోనే ఈ పర్వదినం వస్తుంది. దీనికే శరత్‌ పూర్ణిమ, త్రిపుర పూర్ణిమ అనే పేర్లూ ఉన్నాయి. ఈ పర్వదినాన్ని ఆధ్యాత్మిక చింతనలో గడుపుతారు భక్తులు. ఉపవాస దీక్ష తీసుకుని శివ నామస్మరణ చేస్తుంటారు. కానీ ఓ వ్యక్తి మాత్రం శివుడి పై ఉన్న భక్తిని వినూత్న రీతిలో చాటాడు. సబ్బుపై శివుని ఆకృతిని రూపొందించాడు. ఈ ఆవిష్కరణ చేసిన ఆ శివభక్తుడే తూర్పు గోదావరి జిల్లా రంగం పేటకు చెందిన దేవిన శ్రీనివాస్‌. కార్తిక పౌర్ణమి రోజున ఈ ప్రతిమను రూపొందించాడు. సబ్బుపై శివుని ఆకృతిని ఆవిష్కరించటానికి దాదాపు మూడు గంటలు శ్రమించాడు.