కూనలతో పులి షికారు.. అరుదైన వీడియో

ఇంటర్నెట్ డెస్క్‌: అడవిలో పులి కనిపించటమే చాలా అరుదు. అలాంటిది ఓ పులి తన నాలుగు పిల్లల్ని వెంటబెట్టుకుని విహరిస్తున్న సంఘటనకు సంబంధించిన వీడియో ఒకటి నెటిజన్లను తెగ ఆకర్షిస్తోంది. అపురూపమైన ఈ వీడియోను ఓ అటవీశాఖ ఉన్నతాధికారి సామాజిక మాధ్యమాల్లో ఉంచారు. దీనిని ఉత్తర్‌ ప్రదేశ్‌లోని దూధ్వా టైగర్‌ రిజర్వ్‌ ప్రాంతంలో తీసినట్టు ఆయన వివరించారు. అడవిలో స్వేచ్ఛగా తిరుగుతున్న తల్లి పులిని, దాని వెంట ఉన్న పులికూనలను ఈ వీడియోలో చూడవచ్చు. అనంతరం తన పిల్లలను తీసుకుని అది చీకటిలో మరోవైపుకు వెళ్లిపోయింది. జంతు ప్రేమికులు, నెటిజన్లు మిస్‌ కాకూడదని భావిస్తున్న ఈ వీడియోను మీరూ చూసేయండి మరి!