22 నవోదయ పాఠశాలలు ఏర్పాటు చేయండి

కేంద్రాన్ని కోరిన తెరాస ఎంపీ ప్రభాకర్‌ రెడ్డి 

దిల్లీ: తెలంగాణ రాష్ట్రంలో కొత్తగా ఏర్పాటైన జిల్లాల్లో నవోదయ పాఠశాలలు ఏర్పాటు చేయాలని తెరాస ఎంపీ కొత్త ప్రభాకర్‌ రెడ్డి కేంద్రాన్ని కోరారు. ఈ విషయమై ముఖ్యమంత్రి కేసీఆర్‌ పలుమార్లు ప్రధాని మోదీకి లేఖలు రాశారని గుర్తు చేశారు. పార్లమెంట్ వర్షాకాల సమావేశాల సందర్భంగా లోక్‌సభ జీరో అవర్లో ఆయన మాట్లాడారు. ‘‘నవోదయ పాఠశాలల ఏర్పాటు విషయంపై గత ఆరు సంవత్సరాల నుంచి కేంద్రానికి విజ్ఞప్తి చేస్తున్నాం. పాఠశాలల ఏర్పాటుతో రాష్ట్రం మరింత పురోభివృద్ధి సాధిస్తుంది. రాష్ట్రంలో 22 జిల్లాల్లో పాఠశాలలు మంజూరు చేయాల్సి ఉంది. ఇందుకు సంబంధించిన సదుపాయాలు, భూ కేటాయింపులకు రాష్ట్ర ప్రభుత్వం సిద్ధంగా ఉంది’’ అని ప్రభాకర్‌ రెడ్డి అన్నారు.