Wine Shop: మద్యం దుకాణం ఎదుట మహిళల ఆందోళన

గజపతినగరం: గ్రామం నడిబొడ్డున ఉన్న మద్యం దుకాణాన్ని తక్షణమే తొలగించాలని డిమాండ్‌ చేస్తూ.. విజయనగరం జిల్లా గజపతినగరం మండలం మరుపల్లిలో మహిళలు పెద్ద ఎత్తున ఆందోళనకు దిగారు. వైన్‌షాపు వల్ల మహిళలకు తీవ్ర ఇబ్బంది కలుగుతోందని వెంటనే ఆ దుకాణాన్ని తొలగించాలని కోరారు. ‘ వైన్‌ షాపు మాకొద్దు’ అంటూ నినాదాలు చేశారు. ఈ దుకాణం వల్ల సాయంత్రం అయితే చాలు బయటకు రాలేక ఇబ్బందులు పడుతున్నామని వాపోయారు. గడపగడపకు మన ప్రభుత్వం కార్యక్రమంలో పాల్గొనేందుకు మరుపల్లి వచ్చిన ఎమ్మెల్యే బొత్స అప్పలనరసయ్యకు తమ గోడు వెల్లబోసుకున్నారు. సానుకూలంగా స్పందించిన ఆయన.. 15 రోజుల్లోగా మద్యం దుకాణాన్ని తొలగిస్తానని హామీ ఇచ్చారు.