AP High Court: ఐఏఎస్‌ శ్రీలక్ష్మి పిటిషన్‌ కొట్టేసిన హైకోర్టు

అమరావతి: తన శిక్షను పునఃపరిశీలించాలని కోరుతూ ఐఏఎస్‌ అధికారి శ్రీలక్ష్మి దాఖలు చేసిన పిటిషన్‌ను హైకోర్టు కొట్టేసింది. హాస్టళ్లలో సామాజిక సేవ చేయాలని గతంలో ఉన్నత న్యాయస్థానం ఆమెను ఆదేశించింది. మరోవైపు కొద్ది రోజుల కిందట ఈ పిటిషన్‌ను దాఖలు చేసిన సమయంలో రిజిస్ట్రీ ఈ పిటిషన్‌ విచారణ అర్హతపై సందేహం వ్యక్తం చేస్తూ నంబర్‌ కేటాయించడానికి నిరాకరించారు. దీంతో శ్రీలక్ష్మి తరఫు న్యాయవాది కోర్టుకు వివరణ ఇచ్చారు. హైకోర్టులో గతంలో ఇటువంటి పిటిషన్లపై విచారణ జరిపారని చెప్పారు. ఈ నేపథ్యంలో పిటిషన్‌ను స్వీకరించి ఇవాళ విచారణ చేపట్టిన ధర్మాసనం దాన్ని కొట్టేసింది.

ప్రభుత్వ పాఠశాలల్లో గ్రామ, వార్డు సచివాలయాల తొలగింపునకు గతంలో హైకోర్టు ఆదేశించింది. ఆ ఉత్తర్వులు పట్టించుకోకపోవడంపై శ్రీలక్ష్మితో సహా ఎనిమిది మంది ఐఏఎస్‌ అధికారులకు శిక్ష విధించిన విషయం తెలిసిందే.