బంకులో బైక్‌కు మంటలు

ఇంటర్నెట్‌ డెస్క్‌: చిక్కడపల్లిలోని భారత్‌ పెట్రోల్‌ బంక్‌లో భారీ ప్రమాదం తప్పింది. స్కూటీలో పెట్రోల్‌ పోస్తుండగా ఒక్కసారిగా మంటలు చెలరేగాయి. మంటలు గమనించిన ద్విచక్రవాహనదారుడు అక్కడి నుంచి పరుగులుపెట్టాడు. అప్రమత్తమైన సిబ్బంది మంటలను అదుపు చేసేందుకు శ్రమించారు. అగ్నిమాపక సిలిండర్‌తో స్ప్రే చేసినా మంటలు అదుపులోకి రాలేదు. చాకచక్యంగా స్పందించిన పెట్రోల్‌ బంక్‌ సిబ్బంది అత్యవసరం కోసం నిల్వచేసిన ఇసుక బకెట్లను తెచ్చి బండిపై పోసి మంటలను ఆర్పివేశారు. ఎలాంటి అపాయం జరగకపోవడంతో అందరూ ఊపిరిపీల్చుకున్నారు. అగ్ని ప్రమాదంపై కేసు నమోదు చేసుకున్న పోలీసులు కారణాలను అన్వేషిస్తున్నారు.