Dastagiri: నా భర్తకు బెయిల్‌ రాకుండా ఇబ్బంది పెడుతున్నారు: దస్తగిరి భార్య

కడప: మాజీ మంత్రి వైఎస్‌ వివేకా హత్య కేసులో (Viveka Murder Case) అప్రూవర్‌గా మారిన తన భర్త దస్తగిరికి బెయిల్‌ రాకుండా పోలీసులు, వైకాపా నేతలు ఇబ్బంది పెడుతున్నారని ఆయన భార్య షబానా ఆరోపించారు. కడప జిల్లా జైలులో ఉన్న దస్తగిరిని సోమవారం ఆమె కలిశారు. అనంతరం మీడియాతో మాట్లాడారు. 50 రోజులుగా తన భర్త కడప జైలులోనే మగ్గుతున్నారని, అప్రూవర్‌గా మారిన తర్వాత ఇబ్బందులు పెరిగాయన్నారు. ‘‘వివేకా కేసులో రాజీకి రావాలని వైకాపా పెద్దలు చెప్పారు. వారి ప్రయత్నాలు కుదరకే నా భర్తను ఇబ్బంది పెడుతున్నారు. మా కుటుంబానికి ఏం జరిగినా వైకాపా నేతలు, ప్రభుత్వానిదే బాధ్యత’’ అని షబానా అన్నారు.