Hyderabad: మద్యం మత్తులో.. పోలీసులపై మహిళ వీరంగం!

హైదరాబాద్‌: హైదరాబాద్‌లో అర్ధరాత్రి వేళ మద్యం మత్తులో ఓ మహిళ.. పోలీసులపై వీరంగం సృష్టించింది. నూతన సంవత్సర వేడుకల్లో మద్యం తాగిన యువతి.. డ్రంక్‌ అండ్‌ డ్రైవ్‌ తనిఖీలు చేస్తున్న పోలీసుల పట్ల దురుసుగా ప్రవర్తించింది. జూబ్లీహిల్స్ చెక్‌పోస్ట్‌ వద్ద బంజారా హిల్స్‌ పోలీసులను దుర్భాషలాడింది. వాహనాలు తనిఖీ చేస్తుండగా.. ముంబయికి చెందిన మహిళ, మరికొందరు వాహనంలో అటువైపుగా వచ్చారు. కారు నిలిపి బ్రీత్‌ అనలైజర్‌తో పరీక్షలు చేస్తున్న పోలీసులను దుర్భాషలాడుతూ.. వారిపై దాడి చేసేందుకు ఆమె యత్నించింది. మహిళతోపాటు మిగతావారిని పోలీసులు అదుపులోకి తీసుకున్నారు. అక్కడున్న ఇతర వాహనదారులు సర్దిచెప్పేందుకు ప్రయత్నించినా.. ఆ మహిళ రెచ్చిపోయింది.

► Read latest General News and Telugu News