Andhra News: ఈటీవీపై అభిమానంతో.. మైక్రో ఆర్ట్‌ లోగోను తయారుచేసిన శ్రీకాకుళం వాసి

పలాస: ఈనాడు టెలివిజన్ సంస్థలు ప్రారంభించి 27 సంవత్సరాలు పూర్తిచేసుకున్న సందర్భంగా ఈటీవీపై తనకున్న అభిమానాన్ని చాటుకున్నారు ఓ కళాకారుడు. శ్రీకాకుళం జిల్లా పలాసకు చెందిన కొత్తపల్లి రమేష్‌ ఆచారి అద్భుతమైన మైక్రో ఆర్ట్ కళారూపం తయారు చేశారు. సుమారు 150 మిల్లీగ్రాముల బంగారపు రేకుపై 1సెం.మీ ఎత్తు, 2సెం.మీ వెడల్పు ఉన్న ఈటీవీ లోగోను రూపొందించి తన అభిమానాన్ని చాటుకున్నారు. ఈ లోగోను రామోజీ గ్రూప్‌ సంస్థల ఛైర్మన్‌ రామోజీరావుకు బహుమతిగా ఇవ్వడానికి తయారుచేసినట్లు రమేష్‌ తెలిపారు. దీన్ని తయారు చేయడానికి సుమారు 3గంటల సమయం పట్టిందన్నారు. ఈటీవీ అందిస్తున్న సేవలకు అభిమానంతో ఈ మైక్రో ఆర్ట్‌ను తయారు చేశానన్నారు.