వైకుంఠ ద్వార దర్శనం రెండు రోజులే: తితిదే

తిరుపతి: గతంలో మాదిరిగానే శ్రీవారి వైకుంఠ ద్వార దర్శనాన్ని రెండు రోజులు మాత్రమే కల్పించనున్నట్లు తితిదే ఛైర్మన్‌ వై.వి.సుబ్బారెడ్డి వెల్లడించారు. ఏకాదశి, ద్వాదశి పర్వదినాల్లో మాత్రమే వైకుంఠ ద్వార దర్శనం ఉంటుందని స్పష్టం చేశారు. ఈ మేరకు తితిదే పాలకమండలి సమావేశంలో నిర్ణయం తీసుకున్నామని తెలిపారు. వైకుంఠ ద్వారాలను 10 రోజులు తెరవాలని హైకోర్టులో పిటిషన్‌ దాఖలైన సంగతి తెలిసిందే. ఈ నేపథ్యంలో న్యాయస్థానం ఆదేశాల మేరకు సమావేశమై తుది నిర్ణయం తీసుకున్నామని సుబ్బారెడ్డి మీడియాకు వెల్లడించారు. మరోవైపు శ్రీవారి భక్తులకు ఉచితంగా లడ్డూ ప్రసాదం పంపిణీ చేయనున్నట్లు తెలిపారు. ఈ నెల 20 ఈ విధానం అమల్లోకి వస్తుందని అన్నారు. తిరుమల శ్రీవారి దర్శనానికి వచ్చిన భక్తులకే ఉచిత లడ్డూ అందిస్తామన్నారు. రూ.50కి అదనపు లడ్డూ అందుబాటులో ఉంచుతామన్నారు.