అమరావతిలో హక్కుల ఉల్లంఘనపై ఫిర్యాదు

దిల్లీ: అమరావతి పరిరక్షణ సమితి ఐకాస నేతలు, రైతులు దిల్లీ పెద్దలను కలిసి రాష్ట్ర పరిస్థితులను వివరిస్తున్నారు. జాతీయ మానవహక్కుల కమిషన్‌ ఛైర్మన్‌ హెచ్‌.ఎల్‌.దత్తును కలిసి  అమరావతిలో రైతులు, మహిళలపై హక్కుల ఉల్లంఘన జరుగుతోందని ఫిర్యాదు చేశారు. ఎన్‌హెచ్‌ఆర్సీ వెంటనే జోక్యం చేసుకుని చర్యలు తీసుకోవాలని విజ్ఞప్తి చేశారు. సానుకూలంగా స్పందించిన ఎన్‌హెచ్‌ఆర్సీ ఛైర్మన్‌ .. త్వరలోనే కమిటీ వేస్తామని హామీ ఇచ్చినట్లు ఐకాస నేతలు తెలిపారు. ప్రధానమంత్రి నరేంద్రమోదీతో పాటు కొందరు కేంద్రమంత్రులను కలిసేందుకు సమయం కోరినట్లు తెలిపారు. అమరావతిలో 77 రోజులుగా నిరసనలు  జరుగుతున్నా ప్రభుత్వం పట్టించుకోవట్లేదని వారు ఆవేదన వ్యక్తం చేశారు.