జేఈఈ అడ్వాన్స్‌డ్‌ పరీక్షల తేదీ ఖరారు

దిల్లీ: లాక్‌డౌన్‌ కారణంగా వాయిదాపడిన జేఈఈ అడ్వాన్స్‌డ్‌ -2020 పరీక్షలను ఆగస్టు 23న నిర్వహించనున్నట్లు కేంద్రం ప్రకటించింది. ఈ మేరకు కేంద్ర మానవ వనరుల అభివృద్ధి శాఖ మంత్రి రమేష్ పోఖ్రియాల్ గురువారం ఒక ప్రకటన చేశారు. షెడ్యూల్‌ ప్రకారం మే 17న ఈ పరీక్షలు నిర్వహించాల్సి ఉండగా లాక్‌డౌన్‌ వల్ల వాయిదా పడింది. జులై 18-23 మధ్య నిర్వహించాలని నిర్ణయించారు. తాజాగా కేంద్రం లాక్‌డౌన్‌ మరోసారి పొడిగిచడటం, వైరస్‌ తీవ్రత తగ్గకపోవడం వంటి కారణాలతో పరీక్షలను మరోసారి వాయిదా వేస్తున్నట్లు ప్రకటించారు. అయితే ఎప్పుడు నిర్వహించనున్నదీ వెల్లడించలేదు. తాజా ప్రకటనతో పరీక్షల తేదీపై ఉన్న అనుమానాలు పూర్తిగా తొలగిపోయాయి. దేశవ్యాప్తంగా దాదాపు 2.5 లక్షల మంది ఈ పరీక్షకు హాజరవుతారని నేషనల్ టెస్టింగ్ ఏజెన్సీ (ఎన్‌టీఏ) అంచనా వేస్తోంది.