శ్రీకాకుళం చేరుకున్న శ్రామిక్‌ రైలు

శ్రీకాకుళం: తమిళనాడు నుంచి 889 మంది వలస కార్మికులతో శ్రామిక్‌ రైలు మంగళవారం ఉదయం శ్రీకాకుళం రోడ్డు రైల్వే స్టేషన్‌కు చేరుకుంది. చెన్నై నుంచి వచ్చిన వారిలో 635 మంది మత్స్య కారులు ఉన్నారు. వీరంతా పది నెలల క్రితం శ్రీకాకుళం జిల్లా నుంచి చెన్నై వలస వెళ్లారు. 17 బోగీల్లో శ్రీకాకుళం చేరుకున్న కూలీలకు భూసేకరణ ప్రత్యేక డిప్యూటీ కలెక్టర్‌ సాల్మన్‌రాజు స్వాగతం పలికారరు. వీరందరినీ సరుబుజ్జిలి వెన్నెల వలస నవోదయ, శ్రీకాకుళం డెంటల్‌ కాలేజ్‌, చిలకపాలెం శివానిలో ఏర్పాటు చేసిన నాలుగు క్వారంటైన్‌ కేంద్రాలకు తరలిస్తున్నారు. ఇందులో 35 మందిని రెండు బస్సుల్లో విజయనగరం తరలించారు.