చిలుకూరు అటవీ ప్రాంతానికి చిరుత

హైదరాబాద్‌ : కాటేదాన్‌ అండర్‌ బ్రిడ్జి రోడ్డుపై హల్‌చల్‌ చేసి కనిపించకుండా పోయిన చిరుత కాటేదాన్‌ నుంచి చిలుకూరు అటవీ ప్రాంతానికి వెళ్లినట్లు అధికారులు తెలిపారు. చిరుత జాడ తెలుసుకొనేందుకు ఆ ప్రాంతంలో గట్టి నిఘా ఏర్పాటు చేశామన్నారు. చిరుతను బంధించడం కోసం వ్యవసాయ పొలంలో ఆహారాన్ని ఎరగా వేసినట్లు అధికారులు పేర్కొన్నారు.  అయితే చిరుత మరోసారి ఇదే ప్రాంతానికి రావొచ్చని అధికారులు భావిస్తున్నారు. చిరుతను బంధించేందుకు ఏర్పాటు చేసిన బోన్‌లు అలాగే ఉంచాలని నిర్ణయించారు. చిలుకూరు పరిసర ప్రాంతాల ప్రజలంతా అప్రమత్తంగా వ్యవహరించాలని పోలీసులు కోరారు.