Marriage Registration: వరుడు, వధువు ఎదురుగా లేకున్నా..

పెళ్లి నమోదు చేయవచ్చు

కోచి: వధూవరులు భౌతికంగా ఎదురుగా ఉండాలని పట్టుబట్టాల్సిన అవసరం లేకుండానే ప్రత్యేక వివాహ చట్టం (ఎస్‌ఎంఏ) కింద వివాహాలను నమోదు చేయవచ్చని కేరళ హైకోర్టు సోమవారం తెలిపింది. వివాహాల నమోదు అధికారి రెండు పక్షాలను గుర్తించడం సవాలుతో కూడుకున్న అంశమని, ఇందుకోసం ముఖ గుర్తింపు సాఫ్ట్‌వేర్, బయోమెట్రిక్స్‌ సాంకేతిక పరిజ్ఞానం వంటివి ఉపయోగించడం ఒక ఐచ్ఛికమని అభిప్రాయపడింది. ఇటువంటి వ్యవహారాల్లో సాంకేతిక పరిజ్ఞానం వినియోగానికి సంబంధించి విధివిధానాలు రూపొందించేందుకు న్యాయస్థానానికి అంత నైపుణ్యం లేదని జస్టిస్‌ ఎ.మహమద్‌ ముస్తాక్, జస్టిస్‌ కౌసర్‌ ఎడప్పాగథ్‌లతో కూడిన ధర్మాసనం పేర్కొంది.