TS News: విజయ పాల ధర పెంపు..నేటి నుంచే అమలు

లీటరుపై రూ.2.. హోల్‌ మిల్క్‌పై రూ.4 పెంపు

ఈనాడు, హైదరాబాద్‌- లాలాపేట న్యూస్‌టుడే:  విజయ పాల ధర లీటరుపై రూ.2, హోల్‌ మిల్క్‌పై రూ.4 చొప్పున పెరిగింది. పెంచిన ధరలు శనివారం నుంచే అమల్లోకి వస్తాయని తెలంగాణ రాష్ట్ర పాడి పరిశ్రమాభివృద్ధి సహకార సంస్థ జనరల్‌ మేనేజర్‌ వి.మల్లికార్జునరావు ఒక ప్రకటన ద్వారా తెలిపారు. వినియోగదారులు సహకరించాలని ఆయన కోరారు.

పెరిగిన ధరలు ఇలా..

* డబుల్‌ టోన్డ్‌ పాల రకం 200 మిల్లీలీటర్ల(మి.లీ.) ప్యాకెట్‌ ధర రూ.9 ఉండగా రూ.9.50కి పెంచారు. 300 మి.లీ. ప్యాకెట్‌ ధర రూ.14 నుంచి రూ.15కు చేరింది. 500 మి.లీ. ప్యాకెట్‌ ధర రూ.22 నుంచి రూ.23కి పెరిగింది.

* ఆవుపాలు 500 మి.లీ. ప్యాకెట్‌ ధర రూ.24 నుంచి రూ.25కు, టోన్డ్‌ పాలు 500 మి.లీ. ప్యాకెట్‌ ధర రూ.10 నుంచి రూ.10.50కు, 500 మి.లీ. ధర రూ.24 నుంచి రూ.25కు, లీటరు ధర రూ.47 నుంచి రూ.49కి, ఆరు లీటర్ల ధర రూ.276 నుంచి రూ.288కి చేరింది.

* స్టాండర్‌డైజ్డ్‌ పాలు 500 మి.లీ. ప్యాకెట్‌ ధర రూ.26 నుంచి రూ.27కి పెరిగింది. హోల్‌ మిల్క్‌ 500 మి.లీ. ప్యాకెట్‌ ధర రూ.31 నుంచి రూ.33, డైట్‌ పాలు 500 మి.లీ. ప్యాకెట్‌ ధర రూ.21 నుంచి రూ.22కు పెరిగింది.

* టీ స్పెషల్‌ 500 మి.లీ. ప్యాకెట్‌ ధర రూ.23 నుంచి రూ.24కు చేరింది.