గుస్సాడి నృత్యం చేసిన గవర్నర్‌ తమిళిసై

హైదరాబాద్‌: మారుమూల ఉన్న ఎంతో మంది కళాకారులను గుర్తించి గౌరవించడంపై కేంద్ర ప్రభుత్వానికి తెలంగాణ గవర్నర్‌ తమిళిసై సౌందరరాజన్‌ ప్రత్యేక కృతజ్ఞతలు తెలిపారు. ఇటీవల పద్మశ్రీ పురస్కారానికి ఎంపికైన గుస్సాడి కళాకారుడు కనకరాజును గవర్నర్‌ మర్యాదపూర్వకంగా రాజ్‌భవన్‌కు ఆహ్వానించారు. ఈ సందర్భంగా మంత్రి సత్యవతి రాఠోడ్‌తో కలిసి సంస్కృతి కళావేదికపై ఆయన్ను ఘనంగా సన్మానించారు. అనంతరం కనకరాజు బృందం చేసిన గుస్సాడి నృత్యం వీక్షించి ఒక్కో కళాకారుడిని అభినందించారు. ఆ తర్వాత కనకరాజుతో కలిసి గవర్నర్‌ తమిళిసై, మంత్రి సత్యవతి రాఠోడ్‌ కాసేపు గుస్సాడి నృత్యంతో సందడి చేశారు. తమ గ్రామానికి రావాల్సిందిగా గవర్నర్‌ను కనకరాజు ఈ సందర్భంగా కోరారు.

ఇదీ చదవండి..

ధర్మారెడ్డి ఇంటిపై దాడి: 44మందికి రిమాండ్‌