ఎరువుల ధరలపై ప్రధాని కీలక నిర్ణయం

దిల్లీ: ఇటీవల పెంచిన ఎరువుల ధరపై కేంద్ర ప్రభుత్వం కీలక నిర్ణయం తీసుకుంది. ప్రధాని మోదీ అధ్యక్షతన ఎరువుల ధరపై అధికారులతో ఉన్నతస్థాయి సమీక్ష జరిగింది. ఈ సమావేశంలో రైతులకు పాత ధరలకే ఎరువులు అందించాలని ప్రధాని మోదీ నిర్ణయం తీసుకున్నారు. దీంతో డీఏపీని పాత ధర రూ.1,200కే విక్రయించాలని నిర్ణయం తీసుకున్నారు. 
 
ఫాస్పరిక్‌ ఆమ్లం, అమ్మోనియా ధరలు ఇటీవల అంతర్జాతీయస్థాయిలో 60శాతం నుంచి 70 శాతం పెరిగాయి. దీంతో కేంద్ర ప్రభుత్వం డీఏపీ ధరను పెంచుతూ ఇటీవల నిర్ణయం తీసుకుంది. అయితే రైతులపై పెరిగిన ఎరువుల ధరలు తీవ్ర భారం అయ్యాయి. ఈ నేపథ్యంలో ప్రధాని ఉన్నతస్థాయి సమావేశం ఏర్పాటు చేశారు. డీఏపీపై ప్రస్తుతం ఇస్తున్న రాయితీ రూ.500ను రూ.1,200కు పెంచతూ నిర్ణయం తీసుకున్నారు. రాయితీ భారాన్ని కేంద్ర ప్రభుత్వం భరించనున్నట్లు తెలిపింది.