JEE Main: జేఈఈ మెయిన్‌ పరీక్ష తేదీలు మళ్లీ మార్పు.. ‘నీట్’ దరఖాస్తుల ఆహ్వానం

దిల్లీ: జేఈఈ మెయిన్‌ పరీక్షల తేదీలను జాతీయ పరీక్షల మండలి (ఎన్‌టీఏ) మరోసారి రీషెడ్యూల్‌ చేసింది. ఏప్రిల్‌ 21 నుంచి మే 4 వరకు జరగాల్సిన సెషన్‌ 1 పరీక్షలను జూన్‌ 20 నుంచి 29 వరకు నిర్వహించాలని తాజాగా నిర్ణయించింది. అలాగే మే 24 నుంచి 29 వరకు జరగాల్సి ఉన్న జేఈఈ మెయిన్‌ సెషన్‌ -2 పరీక్షలను జులై 21 నుంచి 30వరకు నిర్వహించనుంది.  

ఇక వైద్యవిద్య కళాశాలల్లో ప్రవేశాలకు నిర్వహించే నీట్‌(యూజీ)-2022కు సంబంధించి నేషనల్‌ టెస్టింగ్‌ ఏజెన్సీ దరఖాస్తులను ఆహ్వానించింది.  ఈసారి మొత్తం 543 ప్రాంతాల్లో ఈ పరీక్షను నిర్వహిస్తున్నారు. ఈ రోజు రాత్రి 11.50 గంటల నుంచి మే 6న రాత్రి 11.50 గంటలవరకు ఆన్‌లైన్‌లో దరఖాస్తులు చేసుకోవచ్చని తెలిపింది. పరీక్ష నిర్వహించే నగరాలు, అడ్మిట్ కార్డుల డౌన్‌లోడ్‌కి సంబంధించిన వివరాలను తర్వాత వెల్లడిస్తామని పేర్కొంది. జులై 17న (ఆదివారం) మధ్యాహ్నం 2 గంటలనుంచి సాయంత్రం 5.20 గంటలవరకు పరీక్ష జరగనుంది. తెలుగుతో సహా మొత్తం 13 భాషల్లో ఈ పరీక్షను నిర్వహిస్తున్నారు. ఇక జనరల్‌ కేటగిరీ విద్యార్థులకు ఫీజు రూ.1,600, జనరల్‌ ఈడబ్యూఎస్‌, ఓబీసీ-ఎన్‌సీఎల్‌ విద్యార్థులకు రూ.1,500, ఎస్సీ, ఎస్టీ, థర్డ్‌ జెండర్‌ విద్యార్థులకు రూ.900 ఫీజుగా నిర్ణయించారు. ఇక విదేశీ విద్యార్థులు రూ.8,500 రుసుం చెల్లించాల్సి ఉంటుంది. తొలిసారిగా దేశం వెలుపల 14 నగరాల్లో నీట్ యూజీ పరీక్ష నిర్వహించాలని ఎన్‌టీఏ నిర్ణయించింది.. ఆ నగరాలివే..