Viveka Murder Case: శివశంకర్‌రెడ్డికి బెయిల్‌ ఇవ్వలేం: పిటిషన్‌ను తిరస్కరించిన సుప్రీంకోర్టు

దిల్లీ: మాజీ మంత్రి వైఎస్‌ వివేకానందరెడ్డి హత్య కేసులో నిందితుడిగా ఉన్న దేవిరెడ్డి శివశంకర్‌ రెడ్డి బెయిల్‌ పిటిషన్‌ను సుప్రీంకోర్టు తిరస్కరించింది. హత్య కేసులో బెయిల్‌ ఇవ్వాలని కోరుతూ శివశంకర్‌ రెడ్డి ఇటీవల సుప్రీంలో పిటిషన్ దాఖలు చేశారు. ఈ వ్యాజ్యంపై ఇవాళ జస్టిస్‌ ఎం.ఆర్‌.షా, జస్టిస్‌ కృష్ణమురారితో కూడిన ధర్మాసనం విచారణ చేపట్టింది. 

పిటిషనర్‌ తరఫు న్యాయవాది బెయిల్ మంజూరు చేయాలంటూ వాదనలు వినిపించారు. అనంతరం అత్యున్నత న్యాయస్థానం స్పందిస్తూ.. శివశంకర్‌రెడ్డికి బెయిల్‌ మంజూరు చేసేందుకు ఎలాంటి కారణాలు కనిపించడం లేదని తెలిపింది. ఈ విషయంలో రాష్ట్ర హైకోర్టు ఇచ్చిన ఉత్తర్వుల్లో జోక్యం చేసుకోలేమని స్పష్టం చేస్తూ బెయిల్‌ పిటిషన్‌ను సుప్రీంకోర్టు తిరస్కరించింది.