TS: కొత్తగా 4,305 కరోనా కేసులు

హైదరాబాద్: తెలంగాణలో కరోనా ఉద్ధృతి కొనసాగుతోంది. గడిచిన 24 గంటల్లో 57,416 నమూనాలను పరీక్షించగా.. 4,305 మందికి పాజిటివ్‌గా తేలింది. దీంతో ఇప్పటివరకు కరోనా సోకిన వారిసంఖ్య 5,20,709కి చేరింది. తాజాగా కరోనాతో 29 మంది ప్రాణాలు కోల్పోగా.. మొత్తం మృతుల సంఖ్య 2896కి పెరిగింది. ఇవాళ 6,361 మంది కరోనా నుంచి కోలుకున్నట్లు రాష్ట్రప్రభుత్వం బులిటెన్‌ విడుదల చేసింది. ప్రస్తుతం రాష్ట్రంలో 54,832 యాక్టివ్‌ కేసులు ఉన్నట్లు పేర్కొంది. జీహెచ్‌ఎంసీ పరిధిలో కేసుల తీవ్రత క్రమంగా తగ్గుతోంది. తాజాగా 607 మందికి పాజిటివ్‌గా నిర్ధారణ అయినట్లు రాష్ట్రప్రభుత్వం తెలిపింది. నల్గొండలో 246, కరీంనగర్‌లో 229, ఖమ్మంలో 222 మందికి పాజిటివ్‌గా తేలింది.