Ap Corona: ఆంధ్రప్రదేశ్‌లో భారీగా నమోదైన కరోనా కేసులు

అమరావతి‌: ఆంధ్రప్రదేశ్‌లో రోజురోజుకూ కరోనా కేసులు వేగంగా, భారీగా పెరుగుతున్నాయి. రెండు రోజుల్లోనే 2వేలకుపైగా కొత్త కేసులు పెరిగాయి. రాష్ట్రంలో గడిచిన 24 గంటల్లో 41,954 పరీక్షలు నిర్వహించగా.. 3,205 కొవిడ్ కేసులు నిర్ధారణ అయ్యాయి. దీంతో ఇప్పటివరకు నమోదైన మొత్తం కరోనా కేసులు 20,87,879కి చేరాయి. ఒక్కరోజు వ్యవధిలో కొవిడ్‌ వల్ల ఎవరూ ప్రాణాలు కోల్పోలేదు. దీంతో రాష్ట్రంలో కొవిడ్‌ బారినపడి చనిపోయిన వారి సంఖ్య 14,505గా ఉంది. ఒక్కరోజు వ్యవధిలో 281 మంది కోలుకోవడం ద్వారా రాష్ట్రంలో ఇప్పటివరకు 20,63,255 మంది బాధితులు కోలుకున్నారు. ప్రస్తుతం ఆంధ్రప్రదేశ్‌లో 10,119 యాక్టివ్‌ కేసులున్నట్లు ఆరోగ్య శాఖ వెల్లడించింది.