Ts News: దసరా ఎఫెక్ట్‌.. విజయవాడ హైవేపై స్తంభించిన ట్రాఫిక్

చౌటుప్పల్‌ గ్రామీణం : విజయవాడ - హైదరాబాద్‌ జాతీయ రహదారిపై పంతంగి టోల్‌ప్లాజా, చౌటుప్పల్‌ వద్ద భారీగా వాహనాలు నిలిచిపోయాయి. దసరా పండుగకు సొంతూళ్లకు వెళ్లిన  ప్రయాణికులు తిరిగి హైదరాబాద్‌ చేరుకుంటుండంతో జాతీయరహదారి కిక్కిరిసిపోయింది. పండక్కి ఊరెళ్లిన  తెలుగు రాష్ట్రాల్లోని ప్రజలు ఉదయం నుంచే హైదరాబాద్‌ పయనమవడంతో విజయవాడ-హైదరాబాద్‌ మార్గంలో రద్దీ అధికమైంది. సాయంత్రానికి వాహనాల రద్దీ మరింత పెరిగింది. పంతంగి టోల్‌ప్లాజా వద్ద కిలోమీటర్ల మేర వాహనాలు బారులు తీరాయి. చౌటుప్పల్‌లో అండర్‌పాస్‌ వంతెన లేకపోవడంతో పండుగ వేళ, శుభకార్యాలు ఎక్కువగా ఉన్న  రోజుల్లో ట్రాఫిక్‌ సమస్య ఉత్పన్నమవుతోంది.