Ap High Court: వారిద్దరికీ 29న శిక్ష ఖరారు చేస్తాం: ఏపీ హైకోర్టు

అమరావతి: కోర్టు ధిక్కరణ కేసులు ఇద్దరు ఉన్నతాధికారులు పూనం మాలకొండయ్య, చిరంజీవి చౌదరిలకు ఈ నెల 29న శిక్ష ఖరారు చేస్తామని హైకోర్టు తెలిపింది. సెరీకల్చర్‌ విభాగంగా విధులు నిర్వహిస్తున్న కొందరు తాత్కాలిక ఉద్యోగులు తమ సర్వీసును క్రమబద్ధీకరించాలని వేసిన పిటిషన్‌పై విచారణ జరిపిన ఉన్నత న్యాయస్థానం వారి సర్వీసు క్రమబద్ధీకరణకు ఆదేశించింది. ఈ ఆదేశాలను అమలు చేయనుందున తాత్కాలిక ఉద్యోగులు మరోసారి హైకోర్టును ఆశ్రయించారు.

ఈ పిటిషన్‌పై విచారణ జరిపిన హైకోర్టు.. తమ ఆదేశాలను ఉద్దేశపూర్వకంగానే అమలు చేయడం లేదని ఇద్దరు అధికారులనుద్దేశించి వ్యాఖ్యానించింది. ఇవాళ్టి విచారణకు హాజరు కాకపోవడంతో ఇద్దరు అధికారులపై నాన్‌బెయిలబుల్‌ వారెంట్లు జారీ చేసింది. ఈ నెల 29న వ్యక్తిగతంగా హాజరు కావాలని ఆదేశించింది. తదుపరి విచారణ ఈనెల 29కి వాయిదా వేసిన ఉన్నత న్యాయస్థానం అదే రోజు ఇద్దరు ఉన్నతాధికారులకు శిక్షలు ఖరారు చేయనున్నట్లు తెలిపింది.