TSPSC: ప్రశ్నపత్రాల లీకేజీ కేసులో నల్గొండకు చెందిన అన్నా చెల్లెళ్లు అరెస్టు

హైదరాబాద్‌: టీఎస్‌పీఎస్సీ ప్రశ్నపత్రాల లీకేజీ కేసులో మరో ముగ్గురిని సిట్‌ అధికారులు అరెస్ట్‌ చేశారు. డివిజనల్‌ అకౌంట్స్‌ అధికారి ప్రశ్నపత్రం కొనుగోలు చేసిన నల్గొండకు చెందిన అన్నా చెల్లెళ్లయిన విక్రమ్, దివ్యలతో పాటు ఏఈ ప్రశ్నపత్రం విక్రయించినందుకు రవికిషోర్ అనే వ్యక్తిని తాజాగా సిట్‌ అధికారులు అరెస్టు చేశారు. దీంతో ఈ కేసులో ఇప్పటివరకు అరెస్టయిన వారి సంఖ్య 39కి చేరింది.

దర్యాప్తుపై ఆరా తీసిన సీవీ ఆనంద్‌..

టీఎస్‌పీఎస్సీ ప్రశ్నపత్రాల లీకేజీ కేసు దర్యాప్తు గురించి సైబరాబాద్‌ సీపీ సీవీ ఆనంద్‌ ఆరా తీశారు. హిమాయత్‌ నగర్‌లోని సిట్‌ కార్యాలయానికి వెళ్లిన ఆయన అధికారులను అడిగి వివరాలు తెలుసుకున్నారు. సిట్‌ నేతృత్వం వహిస్తున్న అదనపు సీపీ ఏఆర్‌ శ్రీనివాస్‌ వ్యక్తిగత కారణాల వల్ల సెలవులో ఉన్నారు. దీంతో దర్యాప్తు పురోగతి గురించి  తెలుసుకున్నారు.