విమానంలో శిశువుకు జన్మనిచ్చిన మహిళ

జైపూర్‌: బెంగళూరు నుంచి జైపూర్‌ బయలుదేరిన విమానంలో ఓ మహిళా ప్రయాణికురాలు ప్రసవించింది. మహిళకు నొప్పులు రావడంతో విమానంలోనే ఉన్న ఓ డాక్టర్‌ సాయంతో విమాన సిబ్బంది ఆమెకు కాన్పు చేశారు. ఆడ శిశువు జన్మించగా తల్లి, శిశువు ఆరోగ్యంగా నిలకడగా ఉన్నట్లు ఇండిగో విమానయాన సంస్థ ప్రకటించింది. విమానం జైపూర్‌ చేరుకోగానే ముందే సిద్ధం చేసిన అంబులెన్స్‌లో తల్లీబిడ్డను ఆసుపత్రికి తరలించారు. ప్రయాణికురాలికి డాక్టర్‌ షబానా నాజిర్ పురుడుపోశారని సంస్థ పేర్కొంది. తన సిబ్బంది మహిళకు సాయం చేసి గొప్ప పని చేశారని ఇండిగో ప్రకటించింది.