Updated : 24 May 2022 01:31 IST

Viral Videos: జూ కీపర్‌ అత్యుత్సాహం! వేలు కొరికేసిన మృగరాజు

ఇంటర్నెట్‌ డెస్క్‌: కొన్నిసార్లు సరదాగా చేసే పనులు.. ప్రాణాల మీదికి తెచ్చిపెడుతుంటాయి. ఇలాంటి ఓ ఘటనే జమైకాలోని ఓ జంతుప్రదర్శనశాలలో చోటుచేసుకుంది. ఇక్కడి జూ కీపర్‌ అత్యుత్సాహంతో కంచె లోపలికి తన చేతిని దూర్చి సింహాన్ని ఆటపట్టిస్తుండగా.. ఒక్కసారిగా ఆ మృగం అతని చేతివేళ్లను నోటకరచుకుంది. ఎంత గింజుకున్నా విడవకపోవడంతో.. చివరకు అతను ఉంగరపు వేలిని పూర్తిగా కోల్పోయాడు. గగుర్పొడిచేలా ఉన్న ఈ ఘటనకు సంబంధించిన వీడియో ప్రస్తుతం ఆన్‌లైన్‌లో వైరల్‌గా మారింది. సింహం తన వేళ్లను పట్టున్నప్పుడు అతను చేతిని వెనక్కి లాగడానికి తీవ్రంగా ప్రయత్నిస్తున్నట్లు వీడియోలో కనిపిస్తోంది.

అయితే, ఈ ఘటన జరిగినప్పుడు.. మొదటగా దీన్నొక జోక్‌గా భావించినట్లు ప్రత్యక్ష సాక్షులు తెలిపారు. ఎప్పుడైతే ఆ వ్యక్తి నేలపై పడిపోయాడో అప్పుడు పరిస్థితి తీవ్రత అర్థమైనట్లు చెప్పారు. జూ యాజమాన్యం ఈ ఘటనపై దిగ్భ్రాంతి వ్యక్తం చేసింది. బాధితుడిని ఆదుకుంటామని, భవిష్యత్తులో ఇలాంటివి జరగకుండా నిరోధించేందుకుగానూ ఈ ఘటనపై విచారణ చేపడతామని ఓ ప్రకటనలో తెలిపింది. మరోవైపు.. ‘జూ’లో సింహాల సంరక్షణ, వాటి పట్ల సిబ్బంది ప్రవర్తన విషయంలో జంతు ప్రేమికులు ఆందోళన వ్యక్తం చేస్తున్నారు. ఈ ఘటనపై దర్యాప్తు చేయనున్నట్లు.. ‘జమైకా సొసైటీ ఫర్ ది ప్రివెన్షనల్ ఆఫ్ క్రూయెల్టీ టు యానిమల్స్‌’ ఎండీ పమేలా లాసన్ తెలిపారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని