మొహర్రం ఊరేగింపులను అడ్డుకునేందుకు శ్రీనగర్‌లో ఆంక్షలు

శ్రీనగర్‌: పది రోజుల సంతాప సమయంలో భాగంగా ఎనిమిదో రోజైన ఆదివారం నాడు షియా ముస్లింలు మొహర్రం ఊరేగింపులు చేపట్టకుండా అడ్డుకునేందుకు జమ్మూ-కశ్మీర్‌లోని శ్రీనగర్‌లోని వివిధ ప్రాంతాల్లో అధికారులు ఆదివారం కర్ఫ్యూ తరహా ఆంక్షలను విధించారు. గతంలో చోటుచేసుకున్న హింసాత్మక ఘటనలు ప్రస్తావిస్తూ ఊరేగింపులకు అనుమతి నిరాకరించారు. ఈ సందర్భంగా శ్రీనగర్‌ సీనియర్‌ సూపరింటెండెంట్‌ ఆఫ్‌ పోలీస్‌ (ఎస్‌ఎస్‌పీ) రాకేశ్‌ బల్వాల్‌ మాట్లాడుతూ.. శ్రీనగర్‌లోని ఎనిమిది పోలీస్‌స్టేషన్ల పరిధిలో ఊరేగింపులు, ప్రజలు గుమిగూడడంపై నిషేధం విధించినట్లు తెలిపారు. శాంతిభద్రతలు గాడితప్పకుండా ఉండేందుకే ఈ నిర్ణయం తీసుకున్నామన్నారు.