Crime News: రాఖీ రోజే అక్కను, ఆమె ప్రియుడిని చంపిన తమ్ముడు

జల్‌గావ్‌: అక్కకు రక్షగా ఉండాల్సిన తమ్ముడే.. ఆమెను పొట్టనపెట్టుకున్నాడు. ఆమె ప్రియుడిని కూడా హతమార్చాడు. రాఖీ పండగ రోజే ఈ అమానవీయ ఘటన జరగడం కలచివేస్తోంది. మహారాష్ట్రలోని జల్‌గావ్‌లో శుక్రవారం రాత్రి ఈ పరువు హత్య కలకలం రేపింది. మైనర్‌ అయిన నిందితుడు హత్య అనంతరం పోలీస్‌ స్టేషన్‌లో లొంగిపోయాడు. రాకేశ్‌ సంజయ్‌ రాజ్‌పుత్‌(22), వర్ష సమాథాన్‌ కోలీ(20) కొన్నాళ్లుగా ప్రేమించుకుంటున్నారు. శుక్రవారం పారిపోయి పెళ్లి చేసుకోవాలనుకున్నారు. ఈ విషయం వర్ష ఇంట్లో తెలిసింది. దీంతో ఆమె తమ్ముడు పిస్టల్‌ తీసుకొని వారిని వెంబడించాడు. ఈ క్రమంలోనే రాజ్‌పుత్‌ను కాల్చి చంపిన నిందితుడు.. తన సోదరిని గొంతు నులిమి చంపినట్లు తెలుస్తోంది. అనంతరం ప్రధాన నిందితుడు పిస్టల్‌తో పోలీసులకు లొంగిపోయాడు. మరో మైనర్‌ను కూడా పోలీసులు అదుపులోకి తీసుకున్నారు. హత్యలో భాగమైన మిగతా ఇద్దరి కోసం గాలిస్తున్నారు.