
కమలా హారిస్ నివాసం వద్ద తుపాకీతో వ్యక్తి
వాషింగ్టన్: అమెరికా ఉపాధ్యక్షురాలు కమలా హారిస్ అధికార నివాసం వద్ద ఓ వ్యక్తి తుపాకీతో సంచరించడం కలకలం రేపింది. వాషింగ్టన్లోని మసాచుసెట్స్లో ఉన్న కమలా హారిస్ అధికార నివాసం వద్ద అత్యాధునిక తుపాకీతో సంచరిస్తున్న ఓ వ్యక్తిని సీక్రెట్ సర్వీస్ అధికారులు అదుపులోకి తీసుకున్నారు. సాన్ అంటోనియో ప్రాంతానికి చెందిన పాల్ ముర్రే (31) అనే వ్యక్తి హారిస్ నివాసం వద్ద ఉండటాన్ని గమనించిన సీక్రెట్ సర్వీస్ అధికారులు అతడిని అదుపులోకి తీసుకున్నట్లు ఓ అధికార ప్రతినిధి వెల్లడించారు. అతడిని పరిశీలించగా లైసెన్స్ లేని అత్యాధునిక తుపాకీ లభ్యమైనట్లు తెలిపారు. మెట్రోపాలిటన్ పోలీసులు నిందితుడిని అరెస్టు చేసి ప్రశ్నిస్తున్నారు.
ఇవీ చదవండి
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.