మోటారు బిగించడానికి వెళ్లి బావిలో ఇరుక్కున్న వ్యక్తులు

చండీగఢ్‌: బావిలో మోటారు బిగించడానికి వెళ్లిన ఇద్దరు వ్యక్తులు అందులో చిక్కుకున్న ఘటన హరియాణలో చోటుచేసుకుంది. వారిని రక్షించేందుకు 24 గంటలకుపైగా సహాయక చర్యలు చేపడుతున్నా ఫలితం లేకపోయింది. పోలీసులు కథనం ప్రకారం... హిసార్‌లోని సహర్వా గ్రామానికి చెందిన జైపాల్‌, జగదీష్‌ మోటారు బిగించే నిమిత్తం సమీప బావిలోకి దిగారు. 50 అడుగుల లోతున్న బావిలో కొంతభాగం లోపలికి వెళ్లారు. అక్కడే ఇరుక్కుపోయారు. ఈ ఘటనపై గ్రామస్థులు స్థానిక అధికారులకు సమాచారం అందించారు. వారిని రక్షించేందుకు జేసీబీ యంత్రాలు, ట్రాక్టర్లను రంగంలోకి దించారు. ఎన్డీఆర్‌ఎఫ్‌ బృందం కూడా ఘటనా స్థలికి చేరుకుంది. రెస్కూ ఆపరేషన్‌ కొనసాగుతోంది.