Updated : 05 Feb 2021 09:38 IST

భారత్‌ మ్యాప్‌: ప్రపంచ ఆరోగ్య సంస్థ వివరణ

రాజ్యసభలో వెల్లడించిన కేంద్ర విదేశాంగశాఖ

దిల్లీ: ప్రపంచ  ఆరోగ్య సంస్థ వెబ్‌సైట్‌లో భారత్ భూభాగాలను తప్పుగా చూపించడంపై ఆ సంస్థ వివరణ ఇచ్చిందని కేంద్రం తెలిపింది. ఈ మేరకు గురువారం రాజ్యసభలో కేంద్ర విదేశాంగ శాఖ సహాయక మంత్రి మురళీధరన్‌ వెల్లడించారు. రాజ్యసభలో ఓ ప్రశ్నకు సమాధానంగా ఆయన ఈ విషయాన్ని తెలిపారు. భారతదేశ మ్యాప్‌లో జమ్ముకశ్మీర్‌, లద్దాఖ్‌ ప్రాంతాలను వేరుగా చూపుతుండటంపై భారత్‌ ప్రపంచ ఆరోగ్య సంస్థపై తీవ్ర అసంతృప్తిని వ్యక్తం చేసింది. భారత ప్రతినిధి ఈ విషయంపై నేరుగా డబ్ల్యూహెచ్‌వో డైరక్టర్‌ జనరల్‌ను సంప్రదించారు. కాగా ఈ అంశాన్ని పరిశీలించి, సరిదిద్దుతామని డబ్ల్యూహెచ్‌వో డైరక్టర్‌ టెడ్రోస్ అధనోమ్‌ అప్పట్లో తెలిపారు. కాగా ఈ అంశంపై ప్రపంచ ఆరోగ్య సంస్థ డిస్ల్కైమర్‌ను మంత్రి సభకు తెలిపారు. ‘‘ ఏ దేశానికి చెందిన భూభాగం, ప్రాంతం, సరిహద్దులను ప్రపంచ ఆరోగ్య సంస్థ సూచించదు.’’ అని ప్రపంచ ఆరోగ్య సంస్థ వివరణలో ఉంది. కాగా దేశ సరిహద్దులపై భారత్‌ స్పష్టంగా ఉందని మంత్రి తెలిపారు.

ఇవీ చదవండి..

పాక్‌ శాంతిని కోరుకునే దేశమట

కంగనకు ట్విటర్‌ మరోసారి షాక్‌

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని