Jhund: గుంపు కాదు ‘పుట్‌బాల్‌’ టీమ్‌

అమితాబ్‌బచ్చన్‌ ఫుట్‌బాల్‌ కోచ్‌గా నటించిన చిత్రం ‘ఝుండ్‌’. ‘సైరాట్‌’తో దేశవ్యాప్తంగా గుర్తింపు తెచ్చుకున్న నాగరాజ్‌ మంజులే దర్శకత్వం వహించిన ఈ చిత్రమిది. మంగళవారం ఈ సినిమా ట్రైలర్‌ను చిత్రబృందం విడుదల చేసింది. ఫుట్‌బాల్‌ ఆటగాడు, విజయ్‌బార్సే జీవిత కథ ఆధారంగా తెరకెక్కిన ఈ చిత్రంపై మంచి అంచనాలున్నాయి. మాదక ద్రవ్యాలకు బానిసలైన వీధి బాలల్లో మార్పు తీసుకొచ్చి ఫుట్‌బాల్‌ జట్టుని తయారు చేసే ఈ కథ స్ఫూర్తిదాయకంగా ఉంటుంది. కోచ్‌ పాత్రకు అమితాబ్‌ ప్రాణం పోశారని ట్రైలర్‌ను విడులయ్యాకా నెటిజన్లు స్పందిస్తున్నారు. ‘గుంపు కాదు టీమ్‌ అనండి’ అని పోస్టర్‌ మీద రాసిన వాక్యం ఆకట్టుకుంటోంది.