ఇండస్ట్రీలో విషాదం.. ప్రముఖ ఆర్ట్‌ డైరెక్టర్‌ ఆత్మహత్య..

ముంబయి: బాలీవుడ్‌ ఇండస్ట్రీలో విషాదం చోటుచేసుకుంది. ప్రముఖ ఆర్ట్‌ డైరెక్టర్‌గా గుర్తింపు పొందిన నితిన్‌ చంద్రకాంత్‌ దేశాయ్‌ (Nitin Desai) ఆత్మహత్య చేసుకున్నాడు. బుధవారం ఉదయం అతడు తన స్టూడియోలో ఈ ఘటనకు పాల్పడ్డాడు. నిన్న రాత్రి నితిన్‌ దేశాయ్‌ తన స్టూడియోకు వెళ్లాడు. అక్కడే ఉరివేసుకుని మరణించినట్లు ముంబయి పోలీసులు తెలిపారు. 

ఇక నితిన్‌ దేశాయ్‌ పనిచేసిన ఎన్నో సినిమాలకు జాతీయ అవార్డులు వచ్చాయి. హిందీ, మరాఠి భాషల్లో స్టార్‌ హీరోల సినిమాలకు పనిచేసి మంచి గుర్తింపు తెచ్చుకున్నారు. లగాన్‌ (Lagaan), దేవదాస్‌(2002), జోదా అక్బర్‌ (Jodhaa Akbar) వంటి ఎన్నో గొప్ప చిత్రాలకు ఆర్ట్‌ డైరెక్టర్‌గా ఆయన సేవలందించారు. వీటికి గానూ ఆయన నాలుగు సార్లు జాతీయ అవార్డులు అందుకున్నారు. కేవలం ఆర్ట్‌ డైరెక్టర్‌గానే కాకుండా దర్శకుడిగా, నిర్మాతగా రెండు సినిమాలకు పనిచేశారు. నటుడిగా నాలుగు సినిమాల్లో కనిపించారు.