Bigg boss season 7: క్షమించే గుణం లేనప్పుడు.. నువ్వు మాటలు జారకూడదు!

హైదరాబాద్‌: నామినేషన్స్‌, టాస్క్‌లతో వారమంతా కాస్త హాట్‌గా, ఇంకాస్త సందడిగా గడిచిన బిగ్‌బాస్‌ హౌస్‌ శనివారం వచ్చే సరికి వణికిపోతూ ఉంటుంది. వారం రోజుల్లో హౌస్‌మేట్స్‌ చేసిన తప్పోప్పులను సమీక్షిస్తూ నాగార్జున ఇచ్చే ఫీడ్‌ బ్యాక్‌ ఎలా ఉంటుందా? అని అందరూ కంగారూ పడుతూ ఉంటారు. ఈ వారం హౌస్‌లో కాస్త వాడీ, వేడీ వాతావరణమే నడిచింది. ఈ క్రమంలో వీకెండ్‌ ఎపిసోడ్‌కు సంబంధించిన తొలి ప్రోమో విడుదలైంది. నామినేషన్స్‌ దగ్గరి నుంచి ప్రతి విషయంలో హౌస్‌మేట్స్‌తో గొడవపడుతూ వస్తున్న శోభాశెట్టిని నాగార్జున క్లాస్‌ తీసుకున్నారు. ‘గతవారం భోలే నిన్ను ఎర్రగడ్డ అంటేనే తట్టుకోలేకపోయావు. క్షమించే గుణం లేనప్పుడు మాటలు జారకూడదు’ అంటూ శోభాపై అసహనం వ్యక్తం చేసిన నాగార్జున.. బిగ్‌బాస్‌ ప్రాపర్టీ నాశనం చేసిన యావర్‌పైనా మండిపడ్డారు. ప్రస్తుతం ఈ ప్రోమో ట్రెండ్‌ అవుతోంది.