Manchu Manoj: అలాంటి షో కాదు కాబట్టే ఉస్తాద్ నేను చేశా!
వైవిధ్యభరితమైన కథలతో.. విలక్షణమైన నటనతో సినీప్రియుల్ని మెప్పించిన కథానాయకుడు మంచు మనోజ్. ‘వేదం’, ‘బిందాస్’, ‘కరెంట్ తీగ’ లాంటి చిత్రాలతో అలరించిన ఆయన.. ఏడేళ్ల విరామం తర్వాత ‘ఉస్తాద్’ గేమ్ షోతో తిరిగి ప్రేక్షకుల ముందుకొచ్చారు.
వైవిధ్యభరితమైన కథలతో.. విలక్షణమైన నటనతో సినీప్రియుల్ని మెప్పించిన కథానాయకుడు మంచు మనోజ్. ‘వేదం’, ‘బిందాస్’, ‘కరెంట్ తీగ’ లాంటి చిత్రాలతో అలరించిన ఆయన.. ఏడేళ్ల విరామం తర్వాత ‘ఉస్తాద్’ గేమ్ షోతో తిరిగి ప్రేక్షకుల ముందుకొచ్చారు. ఇది శుక్రవారం నుంచి ప్రముఖ ఓటీటీ వేదిక ‘ఈటీవీ విన్’లో ప్రసారం అవుతోంది. ఈ నేపథ్యంలోనే మనోజ్ ‘ఈనాడు సినిమా’తో ప్రత్యేకంగా ముచ్చటించారు.
మీరు తెరపై కనిపించి 7ఏళ్లు అవుతోంది. ఈ గ్యాప్ కావాలని తీసుకున్నారా? అనుకోకుండా వచ్చిందా?
‘‘ఈ విరామంలో తొలి నాలుగేళ్లు నేను కావాలని తీసుకున్నదే. కానీ, ఆ మిగతా మూడేళ్ల విరామం అనుకోకుండా వచ్చింది. అయితే, ఇకపై ఎలాంటి గ్యాప్ తీసుకోకుండా ప్రేక్షకుల్ని అలరించడమే లక్ష్యంగా పని చేస్తానని మాటిస్తున్నా’’.
ఇంతకీ ఈ విరామంలో ఏం నేర్చుకున్నారు?
‘‘వ్యక్తిగతంగా ఈ విరామం నాకెంతో మేలు చేసింది. ఈ ఏడేళ్లలో నేను చాలా కొత్త విషయాలు నేర్చుకున్నా. అయితే తొలి మూడేళ్లు మాత్రం మనోధైర్యం కోల్పోయి చాలా చీకటిని చూశా. అదే సమయంలో మౌనిక నా జీవితంలోకి వచ్చి ధైర్యాన్ని నింపింది. జీవితంపై ఆశను చిగురింపజేసింది. సినిమాలపై నాకున్న ప్రేమను, నన్ను ప్రేమించే అభిమానుల ప్రేమను అప్పుడే అర్థం చేసుకోగలిగా’’.
ఇన్నేళ్ల విరామం తర్వాత ‘ఉస్తాద్’ లాంటి గేమ్ షోతో తిరిగి ప్రేక్షకుల ముందుకు రావడానికి కారణమేంటి? ఈ షోలో మిమ్మల్ని ఆకట్టుకున్న అంశాలేంటి?
‘‘సాధారణంగా ఇలాంటి గేమ్ షోల్లో ఎవరైనా సరే తమ కోసం ఆడి.. డబ్బు గెలుచుకుని వెళ్తారు. కానీ, ఈ ‘ఉస్తాద్’ షోలో హీరో తన అభిమానిని గెలిపించడం కోసం ఆడుతుంటాడు. అలాగే ఆ అభిమానేమో తాము గెలుచుకున్న డబ్బుతో సమాజానికి ఏదో మంచి చేయాలనే ఉద్దేశంతో ఆడుతుంటాడు. ఇలా ఈ షోలో హీరోని.. అభిమానిని కనెక్ట్ చేసిన విధానం నాకు చాలా నచ్చింది. అందుకే ఈ షో గురించి చెప్పగానే చేయాలని నిర్ణయించుకున్నా. తొలుత ఈ కాన్సెప్ట్తో నా దగ్గరకు వచ్చినప్పుడు ట్యాంకర్ లాంటి వాణ్ని.. యాంకర్గా ఎలా అనుకున్నారనుకున్నా (నవ్వుతూ). నిజానికి దీనికన్నా ముందు కొన్ని షోల కోసం పలు ఓటీటీ సంస్థలు, టీవీ ఛానెళ్లు నన్ను సంప్రదించాయి. కానీ, ఆ కథలు.. కాన్సెప్ట్లేవీ నాకు నచ్చక చేయనన్నా’’.
ఇంతకి తొలి షోకి వచ్చిన మీరు ముందే చెప్పినట్లు ఈ షోలో గెలుచుకున్న డబ్బును నిజంగానే అభిమానులకు ఇస్తారా?
‘‘గెలిచిన వాళ్లకు కచ్చితంగా ఇస్తాం. అందులో ఎలాంటి అనుమానం లేదు. సాధారణంగా చాలా టీవీ షోల్లో డబ్బులు ఇస్తామని చెప్పి కేవలం వినోదం కోసం రకరకాల ఆటలాడిస్తుంటారు. కానీ, ఇది అలాంటి షో కాదు. ఒకవేళ అలాంటి షో అయ్యి ఉంటే మనోజ్ వచ్చి చేసేవాడు కాదు’’.
మీ కొత్త చిత్ర విశేషాలేంటి?
‘‘ప్రస్తుతం పీపుల్ మీడియా ఫ్యాక్టరీ సంస్థలోనే ఓ చిత్రం చేస్తున్నా. చిత్రీకరణ దశలో ఉంది. త్వరలో టీజర్తో ఆ సినిమాని ప్రకటించనున్నాం. అలాగే ‘వాట్ ద ఫిష్’ అనే సినిమా చేయనున్నా. పూర్తిగా విదేశాల నేపథ్యంలో సాగుతుంది. వచ్చే ఏడాది వేసవిలో ప్రారంభించాలని అనుకుంటున్నాం. ఇక ఈ క్రిస్మస్కి ముందు నా నుంచి ఓ పెద్ద సర్ప్రైజ్ రానుంది. నేను.. నా భార్య మౌనిక కలిసి పిల్లలకు సంబంధించినది ఒకటి చేయబోతున్నాం. ముంబయిలో దాన్ని ఆవిష్కరించనున్నాం. దీని కోసమే రిలయన్స్తో చేతులు కలిపాం. నేను ఇన్నేళ్లు విరామం తీసుకుని ఏం చేశానని అడిగే వాళ్లకు అది సమాధానంలా ఉంటుంది’’.
స్పందన చూశాక ఎలా అనిపించింది? ఈ సీజన్లో ఇంకా ఎన్ని ఎపిసోడ్స్ ఉండనున్నాయి? ఏ స్టార్లు అతిథులుగా రానున్నారు?
‘‘ప్రేక్షకుల ఆదరణ చాలా ఆనందాన్నిచ్చింది. ఇన్నేళ్ల తర్వాత ఇంత మంచి షోతో వాళ్ల ముందుకు వచ్చినందుకు సంతృప్తిగా అనిపించింది. నన్ను నేనెప్పుడూ ఉస్తాద్గా భావించుకోలేదు కానీ, నా ఉస్తాద్ మూమెంట్ మాత్రం ఈ ‘ఉస్తాద్’ షోనే. ఈ తొలి సీజన్లో మొత్తం 13 ఎపిసోడ్లు ఉంటాయి. అందులో అతిథులుగా పాల్గొనే స్టార్లెవరన్నది మాత్రం సర్ప్రైజ్. ఒకటి మాత్రం పక్కా.. బోలెడంత థ్రిల్, ఎమోషన్స్తో నిండిన షో ఇది. ఎంతో వినోదాన్ని పంచనుంది. అలాగే మీ అభిమాన తారల జీవితాల్లోని ఎవరికీ తెలియని అనేక ఆసక్తికర విషయాల్ని ఈ షోలో ఆవిష్కరించనున్నాం. వాటిని కచ్చితంగా మిస్ అవ్వకండి’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ ‘రెండేళ్ల షరతు’ త్రిష జీవితాన్నే మార్చేసింది.. అదేంటంటే?
త్రిష పుట్టినరోజు సందర్భంగా ఆమె గురించి పలు ఆసక్తికర విశేషాలు మీకోసం.. -
జులై నుంచి ప్రేమలో..
ప్రభాస్ ప్రేమకథకి ముహూర్తం కుదిరింది. జులై నుంచే ఆయన కొత్త ప్రేమాయణం మొదలు కానుంది. ఇప్పటికే స్క్రిప్ట్ పక్కాగా సిద్ధమైనట్టు సినీ వర్గాలు తెలిపాయి. హను రాఘవపూడి దర్శకత్వంలో... అగ్ర నిర్మాణ సంస్థ మైత్రీ మూవీ మేకర్స్ ఈ సినిమాని నిర్మిస్తోంది. -
సంయుక్త.. ఊ కొట్టేనా?
తెలుగు చిత్రసీమలోకి వచ్చిన అనతి కాలంలోనే వరుస విజయాలందుకుంటూ స్టార్ నాయిక స్థాయికి చేరుకుంది సంయుక్తా మేనన్. ప్రస్తుతం ఆమె తెలుగులో ‘స్వయంభూ’తో పాటు శర్వానంద్తోనూ ఓ చిత్రం చేస్తోంది. -
ఆ ఆనందం మాటల్లో చెప్పలేనిది
‘నేను మొదటగా సంతోషపడేది నన్ను నేను తెరపై చూసుకున్నప్పుడే’ అని అంటోంది బాలీవుడ్ కథానాయిక యామీ గౌతమ్. ‘ఆర్టికల్ 370’తో భారీ విజయాన్ని అందుకుందీమె. హిందీలోనే కాదు తెలుగు చిత్రాల్లోనూ నటించి టాలీవుడ్ ప్రేక్షకులను అలరించింది. -
వాణీ కోసమే ఈ పాత్ర!
నటనకు ప్రాధాన్యమున్న పాత్రల్ని ఎంచుకుంటూ ప్రేక్షకుల్ని మెప్పిస్తుంది బాలీవుడ్ నాయిక వాణీ కపూర్. ఇప్పుడామె మరో కొత్త ప్రాజెక్టుకు పచ్చజెండా ఊపింది. ఆమె ప్రధాన పాత్రలో ‘బడ్తమీజ్ గిల్’ అనే సినిమా రాబోతున్నట్లు ప్రకటించింది చిత్రబృందం. -
‘కన్నప్ప’లో అక్షయ్ పని పూర్తి
‘కన్నప్ప’తో సినీప్రియుల్ని అలరించేందుకు సిద్ధమవుతున్నారు మంచు విష్ణు. ఆయన టైటిల్ పాత్రలో నటిస్తున్న ఈ పాన్ ఇండియా చిత్రాన్ని ముఖేష్ కుమార్ సింగ్ తెరకెక్కిస్తున్నారు. మోహన్బాబు నిర్మిస్తున్నారు. బాలీవుడ్ హీరో అక్షయ్ కుమార్ ముఖ్య పాత్ర పోషిస్తున్నారు. -
సమ్మోహనం.. ఈ కలయిక
అపూర్వమైన కలయికలు కొన్ని ఉంటాయి. వాళ్లు కలిశారంటే చాలు... సినిమాకి క్లాప్ కొట్టిన రోజే బ్లాక్బస్టర్ బొమ్మని తెరపై చూసేసినంత సంబరం. రజనీకాంత్ - అమితాబ్ బచ్చన్ కలయిక అచ్చం అలాంటిదే. భారతదేశం గర్వించదగ్గ తారలు ఈ ఇద్దరూ. -
త్వరలో కుందాపురానికి ‘కాంతార 1’
‘కాంతార’ సినిమాతో జాతీయ స్థాయిలో సత్తా చాటారు రిషబ్ శెట్టి. ఇప్పుడీ సినిమాకి ప్రీక్వెల్గా ‘కాంతార: చాప్టర్ 1’ సిద్ధమవుతోంది. రిషబ్ హీరోగా నటిస్తూ.. స్వయంగా తెరకెక్కిస్తున్న చిత్రమిది. హోంబలే ఫిల్మ్స్ సంస్థ నిర్మిస్తోంది. -
ఏమయ్యిందే గుండెకు.. ఏనాడు లేదే ఇంత ఉలుకు
అశోక్ గల్లా హీరోగా అర్జున్ జంధ్యాల తెరకెక్కిస్తున్న చిత్రం ‘దేవకీ నందన వాసుదేవ’. సోమినేని బాలకృష్ణ నిర్మిస్తున్నారు. వారణాసి మానస కథానాయిక. ప్రస్తుతం ముగింపు దశలో ఉన్న ఈ సినిమా త్వరలో ప్రేక్షకుల ముందుకు రానుంది. -
అషు ‘సూపర్ డీలక్స్ బాడీ’.. సాగరకన్యలా నోరా ఫతేహి!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
రజనీకాంత్- అమితాబ్ ఆలింగనం.. ఫొటోలు వైరల్
రజనీకాంత్, అమితాబ్ బచ్చన్ కలిసి దిగిన ఫొటోలు వైరల్గా మారాయి. వారిద్దరూ ఎక్కడ మీట్ అయ్యారంటే?
తాజా వార్తలు (Latest News)
-
రాహుల్ గాంధీపై పోస్టు.. వివరణ ఇచ్చిన చెస్ లెజెండ్ కాస్పరోవ్
-
ఆ ‘రెండేళ్ల షరతు’ త్రిష జీవితాన్నే మార్చేసింది.. అదేంటంటే?
-
హైబ్రిడ్ పిచ్ల మీద ఐపీఎల్ మ్యాచ్లు... సరికొత్త ప్రయోగం ఫలిస్తుందా?
-
నడివీధిలో ఆమెను స్తంభానికి కట్టేసి..
-
తాడేపల్లిలో డ్రగ్స్.. గోప్యంగా ఉంచిన అధికారులు!
-
ఈనాడు.నెట్లో టాప్ 10 వార్తలు @ 9 AM