Prabhas: జులై నుంచి ప్రేమలో..

ప్రభాస్‌ ప్రేమకథకి ముహూర్తం కుదిరింది. జులై నుంచే ఆయన కొత్త ప్రేమాయణం మొదలు కానుంది. ఇప్పటికే స్క్రిప్ట్‌ పక్కాగా సిద్ధమైనట్టు సినీ వర్గాలు తెలిపాయి. హను రాఘవపూడి దర్శకత్వంలో... అగ్ర నిర్మాణ సంస్థ మైత్రీ మూవీ మేకర్స్‌ ఈ సినిమాని నిర్మిస్తోంది. ప్రేమ ప్రధానంగా సాగే పీరియాడిక్‌ యాక్షన్‌ కథతో ఈ చిత్రం రూపొందనున్నట్టు సమాచారం. ‘సీతారామం’ తర్వాత హను రాఘవపూడి దర్శకత్వం వహిస్తున్న చిత్రమిది. కథానాయిక ఎంపిక ప్రక్రియ కూడా ఓ కొలిక్కి వచ్చినట్టు సమాచారం. పాటల పనులు కూడా కొనసాగుతున్నట్టు తెలిసింది. ప్రభాస్‌ కథానాయకుడిగా నటించిన ‘కల్కి 2898 ఎ.డి’ జూన్‌ 27న విడుదల కానుంది. ఆ హంగామా మధ్యే కొత్త సినిమా కోసం రంగంలోకి దిగనున్నారు ప్రభాస్‌.