Samyuktha: సంయుక్త.. ఊ కొట్టేనా?

తెలుగు చిత్రసీమలోకి వచ్చిన అనతి కాలంలోనే వరుస విజయాలందుకుంటూ స్టార్‌ నాయిక స్థాయికి చేరుకుంది సంయుక్తా మేనన్‌. ప్రస్తుతం ఆమె తెలుగులో ‘స్వయంభూ’తో పాటు శర్వానంద్‌తోనూ ఓ చిత్రం చేస్తోంది. కాగా, ఇప్పుడామె వద్దకు మరో కథ వచ్చి చేరినట్లు తెలుస్తోంది. బెల్లంకొండ సాయి శ్రీనివాస్‌ హీరోగా మూన్‌ షైన్‌ పిక్చర్స్‌ పతాకంపై ఓ చిత్రం నిర్మితం కానుంది. కొత్త దర్శకుడు లుధీర్‌ బైరెడ్డి తెరకెక్కించనున్న ఈ సినిమా కోసం కథానాయికగా సంయుక్తా మేనన్‌ పేరు పరిశీలనలో ఉందని సమాచారం. చిత్ర బృందం ఇప్పటికే సంయుక్తతో చర్చలు ప్రారంభించిందని.. దీనిపై ఆమె సానుకూలంగా ఉందని వార్తలొస్తున్నాయి. ప్రస్తుతం పూర్వ నిర్మాణ పనుల్లో ఉన్న ఈ సినిమా వచ్చే నెలలో చిత్రీకరణ ప్రారంభించుకోనున్నట్లు తెలుస్తోంది.