Rajiniakanth: సమ్మోహనం.. ఈ కలయిక

అపూర్వమైన కలయికలు కొన్ని ఉంటాయి. వాళ్లు కలిశారంటే చాలు... సినిమాకి క్లాప్‌ కొట్టిన రోజే బ్లాక్‌బస్టర్‌ బొమ్మని తెరపై చూసేసినంత సంబరం. రజనీకాంత్‌  - అమితాబ్‌ బచ్చన్‌ కలయిక అచ్చం అలాంటిదే. భారతదేశం గర్వించదగ్గ తారలు ఈ ఇద్దరూ. ‘వేట్టయాన్‌’ చిత్రం కోసం కలిశారు. ఈ ఇద్దరినీ తెరపై చూడటం కోసం ప్రేక్షకులు ఎప్పుడెప్పుడా అని ఆత్రుతగా ఎదురు చూస్తున్నారు. మరోవైపేమో ఇలా సెట్లోని ఫొటోల్ని సామాజిక మాధ్యమాల్లో పంచుకుంటూ ఆ ఆత్రుతని రెట్టింపు చేస్తోంది చిత్రబృందం. తమకి మాత్రమే ప్రత్యేకం అనిపించే నటనతోనూ... సమ్మోహనం అనిపించే స్క్రీన్‌ ప్రెజెన్స్‌తోనూ ప్రేక్షకుల్ని కట్టిపడేసే ఈ ఇద్దరు తారలు ‘వేట్టయాన్‌’ సెట్‌లో సందడి చేశారు. దీన్ని నిర్మాణ సంస్థ లైకా ప్రొడక్షన్స్‌ సంస్థ శుక్రవారం ఎక్స్‌ ద్వారా పంచుకుంది. ఈ చిత్రానికి టి.జె.జ్ఞానవేల్‌ దర్శకత్వం వహిస్తున్నారు.