Tiger Nageswarao: ‘టైగర్‌ నాగేశ్వరరావు’ జోరు

రవితేజ (Raviteja) కథానాయకుడిగా వంశీ తెరకెక్కిస్తున్న పాన్‌ ఇండియా చిత్రం ‘టైగర్‌ నాగేశ్వరరావు’ (Tiger Nageswarao). అభిషేక్‌ అగర్వాల్‌ నిర్మిస్తున్నారు. నుపూర్‌ సనన్‌, గాయత్రి భరద్వాజ్‌ కథానాయికలు. రేణూ దేశాయ్‌ కీలక పాత్ర పోషిస్తోంది. ఈ సినిమా శరవేగంగా చిత్రీకరణ జరుపుకుంటోన్న సంగతి తెలిసిందే. ఇందులో భాగంగా ప్రస్తుతం ఓ భారీ నైట్‌ షెడ్యూల్‌ను పూర్తి చేస్తున్నట్లు నిర్మాత తెలిపారు. త్వరలో ఫస్ట్‌లుక్‌ విడుదల చేయనున్నట్లు చెప్పారు. 1970 కాలం నాటి స్టువర్టుపురంలో నేపథ్యంలో సాగే కథ ఇది. ఆ కాలంలో పేరు మోసిన దొంగ నాగేశ్వరరావు జీవితకథతో ఈ చిత్రం రూపొందిస్తున్నారు.