నందినీరెడ్డి దర్శకత్వంలో ‘ఏక్ మినీ కథ’ హీరో?

ఇంటర్నెట్‌ డెస్క్: ‘అలా మొదలైంది’, ‘ఓ బేబీ’లాంటి విజయవంతమైన చిత్రాలను తెరకెక్కించిన దర్శకురాలు నందినీరెడ్డి. ఈ మధ్యే ఓటీటీలో విడుదలైన ‘ఏక్‌ మినీ కథ’ హీరో సంతోష్‌ శోభన్‌తో ఆమె ఓ సినిమా చేయనున్నారని సమాచారం. ‘ఏక్‌ మినీ కథ’లో సంతోష్‌ నటన చూసి ఆమె ముగ్ధురాలయ్యిందట. ఇప్పటికే అతనికి కథను కూడా వినిపించిందట. సంతోష్‌ కూడా కథ పట్ల సానుకూలతను వ్యక్తం చేశాడని చెప్పుకుంటున్నారు. కొవిడ్ -19 పరిస్థితి మెరుగైన వెంటనే చిత్రం సెట్స్‌ పైకి వెళ్లనుందట. త్వరలోనే చిత్రానికి సంబంధించిన మరిన్ని వివరాలు తెలియనున్నాయి. రొమాంటిక్ ఎంటర్‌టైనర్‌గా తెరకెక్కనున్న ఈ చిత్రాన్ని స్వప్నా సినిమాస్ నిర్మించనుందట. నందిని ప్రస్తుతం ఆహా వెబ్ సిరీస్ కోసం స్క్రిప్ట్ తయారు చేసే పనిలో బిజీగా ఉంది. ఈ సంవత్సరం చివరలో గీతా ఆర్ట్స్ కోసం ఓ సినిమాకి  దర్శకత్వం వహించడానికి ఆమె ఇప్పటికే అంగీకరించింది. మరోవైపు మారుతి దర్శకత్వంలో తెరకెక్కనున్న వెబ్ సీరీస్‌లో సంతోష్ శోభన్‌ నటించనున్నారు. త్వరలోనే షూటింగ్ ప్రారంభం కానుంది.