Natyam: నందమూరి బాలకృష్ణ చేతుల మీదగా ‘నాట్యం’ పాట

హైదరాబాద్‌: ప్రముఖ కూచిపూడి డ్యాన్సర్‌, నటి సంధ్యారాజు ప్రధాన పాత్రలో నటించిన చిత్రం ‘నాట్యం’. రేవంత్‌ కోరుకొండ దర్శకత్వం వహించారు. తాజాగా ఈ సినిమా నుంచి ‘నమఃశివాయ’ అంటూ సాగే పాటను నందమూరి బాలకృష్ణ విడుదల చేశారు. ‘ ‘నాట్యం’ సినిమా నుంచి ఇలాంటి అద్భుతమైన పాటను విడుదల చేయడం నాకెంతో ఆనందంగా ఉంది. జగద్గురు ఆది శంకరాచార్యులు రచించిన ఈ పాటకు శ్రవణ్‌ భరధ్వాజ్‌ అద్భుతంగా సంగీతం అందించారు. ఈ పాటను ఆలపించిన లలిత, కాళభైరవతోపాటు తనలోని కొత్త ప్రతిభతో మనందర్నీ మెప్పించిన కమల్‌కామరాజు, కనులవిందుగా నాట్యం చేసిన సంధ్యారాజుకి నా అభినందనలు’ అని బాలయ్య పేర్కొన్నారు.