Vijay 66: సంక్రాంతి బరి.. విజయ్‌ మరి

వచ్చే సంక్రాంతి లక్ష్యంగా పలు సినిమాలు ముస్తాబవుతున్నాయి. అందులో విజయ్‌ కథానాయకుడిగా.. వంశీ పైడిపల్లి దర్శకత్వం వహిస్తున్న సినిమా ఒకటి. ఇందులో విజయ్‌కి జోడీగా రష్మిక మందన్న నటిస్తున్న విషయం తెలిసిందే. శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్నారు. పాన్‌ ఇండియా స్థాయిలో రూపొందుతున్న ఈ చిత్రంలో సీనియర్‌ నటులు ప్రకాశ్‌రాజ్‌, జయసుధ, ప్రభు, శరత్‌కుమార్‌ కీలక పాత్రల్లో నటిస్తున్నారని ఆదివారం సినీ వర్గాలు అధికారికంగా ప్రకటించాయి. ఆ ప్రకటనలో 2023 సంక్రాంతికి చిత్రాన్ని విడుదల చేస్తున్నట్టు స్పష్టం చేశాయి. ఇప్పటికే ఒక షెడ్యూల్‌ చిత్రీకరణ పూర్తైంది. మరో సుదీర్ఘ షెడ్యూల్‌ త్వరలోనే ప్రారంభం కానుంది. దీనికి తమన్‌ స్వరాలు సమకూరుస్తున్నారు.