Updated : 24 Aug 2020 19:29 IST

తానా ఆధ్వర్యంలో బ్యాగుల వితరణ

ఇంటర్నెట్ ‌డెస్క్‌: ఉత్తర అమెరికా తెలుగు సంఘం (తానా) ఆధ్వర్యంలో పెన్సిల్వేనియా రాష్ట్రంలోని హైస్కూలు విద్యార్థులకు స్కూలు బ్యాగులు అందజేశారు. అమెరికా పాఠశాలల్లో చదువుకుంటున్న నిరుపేద విద్యార్థుల కోసం చేపట్టిన ఈ కార్యక్రమంలో భాగంగా ఏటా వేసవి సెలవుల అనంతరం పాఠశాలలు ప్రారంభించాక అమెరికాలోని వివిధ ప్రాంతాల్లో తానా ఆధ్వర్యంలో స్కూలు బ్యాగులు పంపిణీ చేస్తారు. రెండు దశాబ్దాల నుంచి జరుగుతున్న ఈ కార్యక్రమంలో భాగంగా గురువారం (ఆగస్టు 20) డౌనింగ్‌ టౌన్‌లోని లార్డ్స్ పాంట్రీకు వంద స్కూలు బ్యాగులు, ఇతర స్కూలు వస్తువులను అందజేశారు. ఈ కార్యక్రమంలో తానా కార్యదర్శి పొట్లూరి రవి, మిడ్ అట్లాంటిక్ సహాయక కమిటీ చైర్ గోపి వాగ్వాల పాల్గొన్నారు. అపర్ణ వాగ్వాల ఆధ్వర్యంలోని హెచ్‌టూసీ (హెల్ప్ కేర్ కంఫర్ట్) సంస్థ ఈ కార్యక్రమానికి సహాయ సహకారాలు అందజేసింది. కొవిడ్‌-19 ప్రభావంతో విద్యార్థుల తల్లిదండ్రులు తీవ్ర ఇబ్బందులు ఎదుర్కొంటున్న దృష్ట్యా ఫిలడెల్ఫియా ప్రాంతంలోని మూడు స్కూలు పాంట్రీలకు సహాయం చేసినట్లు, ఫుడ్ బ్యాంకులకి ప్రతి నెలా ఆహార పదార్థాలు అందిస్తున్నట్లు తానా ఓ ప్రకటనలో తెలిపింది. తానా ఫిలడెల్ఫియా యువ విభాగం వాలంటీర్లు, ఇతర దాతలు వివిధ రకాల కార్యక్రమాల ద్వారా విరాళాలు అందిస్తున్నారని, వారి సేవలు మరువలేనివని తానా అధ్యక్షుడు జై తాళ్లూరి కొనియాడారు.

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts