Updated : 07 Jul 2021 18:27 IST

సౌదీకి అంతర్జాతీయ విమానాలు నిలిపివేత

భారత్‌తో సహా 20 దేశాల నుంచి

దిల్లీ: సౌదీఅరేబియా ప్రభుత్వం భారత్‌ సహా 20 దేశాల నుంచి వచ్చే విమానాలను తాత్కాలికంగా నిలిపివేసింది. దేశంలో కరోనా కేసుల సంఖ్య పెరుగుతుండటంతో సౌదీ అంతర్గత వ్యవహారాల శాఖ ఈ నిర్ణయం తీసుకుంది. బుధవారం నుంచి ఈ నిషేధం అమలులో ఉంటుందని వారు తెలిపారు. దౌత్యవేత్తలు, సౌదీ పౌరులు, వైద్య సిబ్బంది, వారి కుటుంబీకులు మాత్రమే బయటి దేశాల నుంచి రావచ్చని తెలిపారు. తాత్కాలికంగా ప్రయాణాలు నిషేధించిన జాబితాలో భారత్‌తో పాటు లెబనాన్‌, టర్కీ, ఐర్లాండ్‌, ఇటలీ, పోర్చుగల్‌, స్వీడన్‌, స్విట్జర్లాండ్‌, యూఎస్‌, అర్జంటైనా, బ్రెజిల్, ఇండోనేసియా, పాకిస్తాన్‌, దక్షిణాఫ్రికా, ఈజిప్ట్‌, యూఏఈ ఉన్నాయి. కాగా భారత్‌ నుంచి వచ్చే విమానాలను గతేడాది సెప్టెంబరులోనే సౌదీ నిషేధించింది. ప్రస్తుతం నిషేధించిన జాబితాలోని దేశాల సంఖ్య పెరిగింది. గతేడాది డిసెంబరులో విమానాల ప్రయాణాలను నిషేధించిన సౌదీ జనవరి 3 నుంచి తిరిగి పునరుద్ధరించింది. కేసుల సంఖ్య పెరుగుతుండటంతో తిరిగి అంతర్జాతీయ విమాన ప్రయాణాలపై ఆంక్షలు విధించింది. కాగా ప్రస్తుతం సౌదీలో కరోనా వ్యాక్సిన్‌ పంపిణీ కార్యక్రమం కొనసాగుతోంది. ఇప్పటి వరకూ సౌదీలో 3.68లక్షల కరోనా కేసులు, 6,400 మరణాలు నమోదయ్యాయి.

Read latest Nri News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని