Balakrishna: పాత్రికేయులపై దాడి హేయమైన చర్య: నందమూరి బాలకృష్ణ

విజయవాడ: ఏపీ సీఎం జగన్‌ ‘సిద్ధం’ సభలో పాత్రికేయులపై వైకాపా కార్యకర్తల దాడిని నటుడు, తెదేపా ఎమ్మెల్యే నందమూరి బాలకృష్ణ (nandamuri balakrishna) ఖండించారు. విధినిర్వహణలో ఉన్న పాత్రికేయులపై దాడి హేయమైన చర్య అన్నారు. ప్రశ్నించే గొంతులను అణచివేయాలనుకోవడం సరికాదని హితవు పలికారు. రాష్ట్రంలో పాత్రికేయులపై దాడులు పెరిగాయని, వారి రక్షణ కోసం కఠిన చట్టాలు తేవాల్సిన అవసరం ఉందన్నారు. వైకాపా ప్రభుత్వాన్ని గద్దె దింపే రోజు ఎంతో దూరం లేదని, ప్రజలు అన్నీ గమనిస్తున్నారని తెలిపారు. ఇలాంటి దాడులు పునరావృతం కాకుండా ప్రభుత్వం చర్యలు తీసుకోవాలని సూచించారు.