‘అనర్హత పిటిషన్‌’లో తప్పుడు ఆరోపణలు: రాజాసింగ్‌

ఈనాడు, దిల్లీ: తన ఎన్నికను సవాల్‌ చేస్తూ ప్రేమ్‌సింగ్‌ రాథోడ్‌ దాఖలు చేసిన పిటిషన్‌లోని అభియోగాలు తప్పుడువని ఆరోపిస్తూ గోషామహల్‌ ఎమ్మెల్యే రాజాసింగ్‌ సుప్రీంకోర్టులో కౌంటర్‌ అఫిడవిట్‌ దాఖలు చేశారు. రాజాసింగ్‌ తనపై ఉన్న క్రిమినల్‌ కేసులను 2018 శాసనసభ ఎన్నికల అఫిడవిట్‌లో పేర్కొనలేదని, ఆయనపై అనర్హత వేటు వేయాలంటూ తెరాస తరఫున పోటీ చేసి ఓడిపోయిన ప్రేమ్‌సింగ్‌ రాథోడ్‌ సుప్రీంకోర్టులో పిటిషన్‌ దాఖలు చేశారు. దీనిపై కౌంటర్‌ అఫిడవిట్‌ దాఖలు చేయాలని రాజాసింగ్‌ను కోర్టు ఆదేశించింది.