తెలంగాణను అప్పులకుప్పగా మార్చారు: తెదేపా

ఈనాడు, హైదరాబాద్‌: రాష్ట్రం ఏర్పడినప్పుడు సంపన్నంగా ఉన్న తెలంగాణను తెరాస ప్రభుత్వం అప్పులకుప్పగా మార్చిందని తెదేపా రాష్ట్ర అధ్యక్షుడు కాసాని జ్ఞానేశ్వర్‌ విమర్శించారు. తెలంగాణ బీసీ మహాసభ రాష్ట్ర అధ్యక్షుడు మెట్టుకాడి శ్రీనివాస్‌తో పాటు ఉమ్మడి పాలమూరు జిల్లాకు చెందిన పలువురు బీసీ సంఘాల నేతలు ఆదివారం ఎన్టీఆర్‌ భవన్‌లో తెదేపాలో చేరారు. ఈ సందర్భంగా కాసాని జ్ఞానేశ్వర్‌ మాట్లాడుతూ.. ఉమ్మడి ఆంధ్రప్రదేశ్‌ సీఎంగా ఉన్న సమయంలో చంద్రబాబునాయుడు తలసరి ఆదాయాన్ని పెంచితే తెలంగాణలో అధికారంలోకి వచ్చిన కేసీఆర్‌ తలసరి అప్పు పెంచారని ఆరోపించారు.