AP Politics : అడ్డగోలుగా మాట్లాడితే ఊరుకోం : బుద్దా వెంకన్న

విజయవాడ : తెదేపా అధినేత చంద్రబాబు సహా పార్టీ నేతలపై అడ్డగోలు వ్యాఖ్యలు చేస్తున్న కొడాలి నానిని మంత్రి వర్గం నుంచి తప్పించాలని ఎమ్మెల్సీ బుద్దా వెంకన్న డిమాండ్‌ చేశారు. రెండున్నరేళ్ల తర్వాత మంత్రి వర్గాన్ని మార్చేస్తానని సీఎం జగన్‌ చెప్పడం వల్లే పదవిని కాపాడుకునేందుకు నాని ఇష్టమొచ్చినట్లు మాట్లాడుతున్నారని ఆగ్రహం వ్యక్తం చేశారు. ఇలాంటి వాటిని సహించబోమని, మాటకుమాట బదులిస్తామని స్పష్టం చేశారు. ‘‘ చంద్రబాబును తిడితే పదవి ఉంటుందని కొడాలి భావిస్తున్నారు. అభ్యంతరకర వ్యాఖ్యల పేరిట నాతోపాటు తెదేపా నేతలపై కేసులు పెట్టారు. బూతులు మాట్లాడుతున్న కొడాలిపై పోలీసులు కేసు ఎందుకు పెట్టడం లేదు? రెండున్నర ఎకరాల్లో కన్వెన్షన్‌ సెంటర్‌ కట్టడానికి నానికి డబ్బు ఎలా వచ్చింది? గుడివాడ వెళ్లడానికి ఏ పార్టీ వారినీ పోలీసులు ఎందుకు అనుమతించడం లేదు. చంద్రబాబు సహా తెదేపా నేతలపై కొడాలి నాని వ్యాఖ్యలు సరికాదు.